Mehdi Mehdizadə

Tam təhsilli olmaq, əsil elmi-siyasi ideyalara inam bəsləmək, heç də şəxsiyyətin öz vətəndaşlıq borcunu yerinə yetirməyə tam hazır olması demək deyildir. İdeya əqidəliliyi yalnız o vaxt mənəvi dəyərə malik olur ki, o, cəmiyyətin xeyrinə müsbət, yüksək səviyyəli fəaliyyətlə möhkəmləndirilsin.

Qarşıda duran işlərin düzgünlüyünə əmin olmaq, lakin onun həyata keçirilməsinə qoşulmamaq insana layiq olmayan keyfiyyətdir.

Aktivlik elə bir fəaliyyətdir ki, insan burada bütün qüvvə və qabiliyyətlərini səfərbər edir, ictimai-sağlam əqidələrinə, uyğun məqsədlərinə nail olmaq üçün təşəbbüs və inadla, mütəşəkkil və yaradıcılıqla qarşısına qoymuş olduğu və ya qoyulmuş olduğu vəzifəni yerinə yetirir.

Məktəblinin fəal həyat mövqeyinin formalaşdırılması dedikdə elə bir proqramlaşdırılmış prosesin nəticəsi nəzərdə tutulur ki, orada şəxsiyyət mükəmməl təhsil və tərbiyə vasitəsi ilə elmi dünyabaxışa yiyələnir, müxtəlif amillərin təsiri altında inkişaf edir, möhkəm iradi, estetik və fiziki keyfiyyətlərlə silahlanaraq kamilləşir, yalnız öz vətəndaşlıq borcunu dərk etməyə deyil, eyni zamanda onu istənilən şəraitdə, cəmiyyətin xeyrinə vicdanla və fəal şəkildə yerinə yetirməyə hazır olur.

İnsan o zaman müvəffəqiyyət qazanır ki, öz biliklərini müstəqil surətdə artırmaq bacarığına yiyələnmiş olsun.

Təlim metodu - müəllim və şagirdlərin qarşılıqlı fəaliyyət qaydaları sistemidir ki, müxtəlif vasitələrdən istifadə etməklə təlim prosesində didaktik vəzifələrin həllinə xidmət edir.

Şagirdlərin müstəqil işini təşkil edən müəllim müstəqilliyin fəlsəfəsi, siyasi və əxlaqi mahiyyətini bilməsə, həqiqi məqsədlərə nail ola bilməz.

Dərsin ideya-siyasi, elmi-nəzəri və əməli səviyyəsini yüksəltmək üçün lazım gələn ən mühüm tələblərdən biri məhz dərsin həyatla əlaqələndirilməsinin təmin edilməsidir. Dərsin həyatla sıx əlaqələndirilməsi şagirdlərə aldıqları biliklərin məna və əhəmiyyətini dərindən göstərir. Bunun isə pedaqoji dəyəri inkaredilməzdir.

Şagirdlərin ictimai-siyasi fəaliyyətinə düzgün pedaqoji rəhbərliyin təmin edilməsi, hər şeydən əvvəl onu tələb edir ki, rəhbərlik edən qüvvələrin hər biri öz hüquq və vəzifə dairəsini dəqiq bilsin və o dairədə də rəhbərlik fəaliyyəti göstərsinlər

Akademik

Mehdi Mehdizadə

Foto və video qalereya

Akademik

Mehdi Mehdizadə